Merita Qemali, një grua shqiptare 62-vjeçare, ka humbur jetën në një aksident rrugor në Itali. Ngjarja ndodhur kur automjeti tip Ford, ku ajo udhëtonte, është përplasur me një kamion që lëvizte me shpejtësi të ulët për shkak të një gome të shpërthyer.
Në mjet udhëtonin partneri i saj 49-vjeçar, i cili drejtonte, djali 10-vjeçar dhe motra 47-vjeçare. Përplasja ka qenë e fortë, duke shkatërruar pjesën e përparme të automjetit dhe lënë dy pasagjerë të bllokuar, të cilët u nxorën nga zjarrfikësit.
Merita Qemali u transportua me urgjencë në spital, por nuk arriti të mbijetojë plagëve të rënda. Partneri 49-vjeçar dhe motra 47-vjeçare janë operuar dhe ndodhen në gjendje të rëndë dhe kritike respektivisht. Djali 10-vjeçar është jashtë rrezikut për jetën.
Autoritetet italiane kanë nisur hetimet për zbardhjen e rrethanave të aksidentit.
Përditësime
Aksidenti ndodhi në Autostradën A14, në tunelin Montedomini midis Ancona Sud dhe Ancona Nord, pranë daljeve për Castelferretti dhe Chiaravalle. Familja kthehej nga pushimet e Pashkës në Sicili dhe ishte pothuajse në shtëpi në Chiaravalle. Kamioni drejtohej nga një grua rumune. Të lënduarit u operuan në Spitalin Torrette. Partneri i viktimës është italian me banim në Chiaravalle. Autoritetet po hetojnë nëse kamioni kishte dritat e ndezura dhe mund të ndalej para tunelit.