E ngarkuara me punë e SHBA-së në Tiranë, Nancy Van Horn, mbërriti më 17 shkurt 2026 në zyrat e Kuvendit të Shqipërisë për një takim informal me kryetarin e Kuvendit Niko Peleshi.
Arsyet e takimit nuk janë bërë të njohura ende. Takimi zhvillohet në Kryesinë e Kuvendit dhe vjen një ditë pas mbledhjes së Grupit Parlamentar të Partisë Socialiste, ku deputetët propozuan ndryshimin e Nenit 242 të Kodit të Procedurës Penale. Ky ndryshim synon mbrojtjen e ministrave dhe zyrtarëve të tjerë të lartë nga pezullimi i detyrës.
Opozita ka kundërshtuar këto ndryshime ligjore.
Në të njëjtën periudhë, kryetari Niko Peleshi caktoi mbledhjen e Këshillit të Mandateve dhe Imuniteteve për të shqyrtuar kërkesën e Strukturës së Posaçme Kundër Korrupsionit dhe Krimit të Organizuar (SPAK) për arrestimin e deputetes Belinda Balluku. Kjo mbledhje do të mbahet të hënën, më 23 shkurt 2026.
Përditësime
E ngarkuata e SHBA-së përfundoi takimin informal me kryetarin e Kuvendit Peleshi pas rreth 30 minutash, me fokus partneritetin strategjik Shqipëri–SHBA dhe bashkëpunimin në siguri e mbrojtje, sipas Mapo.