Nancy VanHorn, e ngarkuara me Punë e Ambasadës së Shteteve të Bashkuara në Shqipëri, zhvilloi gjatë javëve të fundit takime me zëvendëskryeministren Albana Koçiu dhe ministrat e emëruar së fundmi në detyra të reja. Këto biseda u zhvilluan në Tiranë dhe u njoftuan përmes një postimi zyrtar të Ambasadës në rrjetet sociale.
Në takime morën pjesë:
- Zëvendëskryeministren Albana Koçiu;
- Ministrin e Mbrojtjes Ermal Nufi;
- Ministrin për Europën dhe Punët e Jashtme Ferit Hoxha;
- Ministrin e Energjisë dhe Infrastrukturës Enea Karakaçi;
- Ministrin e Drejtësisë Toni Gogu;
- Ministrin e Brendshëm Besfort Lamallari;
- Ministrën për Marrëdhëniet me Parlamentin Erjona Ismaili.
Gjatë këtyre takimeve, VanHorn ritheksoi përkushtimin e Ambasadës për zbatimin e agjendës së Shtëpisë së Bardhë të Trump. Prioritetet përfshijnë eliminimin e plotë të karteleve të krimit të organizuar, bindjen e aleatëve të NATO-s për të respektuar angazhimin e tyre të Hagës për shpenzimet në fushën e mbrojtjes dhe marrëveshje të drejta për kompanitë amerikane që bëjnë biznes në Shqipëri.
Ambasada deklaroi se do të vazhdojë të punojë me partnerët në ministri dhe institucione për të dhënë rezultate si për amerikanët, ashtu edhe për shqiptarët. Këto takime nxjerrin në pah forcimin e bashkëpunimit bilateral mes Shqipërisë dhe Shteteve të Bashkuara.