Edi Martini, trajneri i Vllaznisë, u shpall trajneri më i mirë i muajit janar në kampionatin Abissnet Superiore nga Drejtoria Teknike e FSHF-së.
Tekniku kuqeblu regjistroi katër fitore të rëndësishme gjatë këtij muaji në kampionat. Fitoret erdhën ndaj këtyre kundërshtarëve:
• Egnatia
• Dinamo City
• Partizani
• Teuta
Këto rezultate ndihmuan Vllazninë të ngjitej në krye të renditjes me 42 pikë. Meritën kryesore për këtë e ka stafi teknik, në krye me Edi Martinin.
Trofeu iu dorëzua Edi Martinit nga Alban Bushi, trajneri i Kombëtares U-21, para ndeshjes Vllaznia – Vora.