Pas përfundimit të ndeshjeve të javës së tretë në kampionatin shqiptar, Drejtoria Teknike e Federatës Shqiptare të Futbollit bëri publik formacionin ideal dhe trajnerin e javës. Skuadra e Egnatias është përfaqësuar me 3 futbollistë, ndërsa ekipet e Partizanit, Teutës, Dinamo City-t dhe Tiranës kontribuojnë me nga 2 lojtarë secila.
Në portë është vendosur Mario Dajsinani (Egnatia). Reparti i mbrojtjes përbëhet nga Andrey Yago (Egnatia), Dion Vata (Partizani), Vasil Zhongo (Teuta) dhe Usni Ismaili (Dinamo City). Mesfusha është ndërtuar me Sherif Kallakun (Teuta) dhe Malomo Ayodeji (Dinamo City), ndërsa treshja sulmuese mbështetëse përfshin David Fadairon (Partizani), Alessandro Albanesen (Egnatia) dhe Drilon Hazrollajn (Tirana). Në majën e sulmit është zgjedhur Tomislav Kis i Tiranës, i cili u dallua në fitoren 4-0 kundër FK Vorës.
Si trajneri më i mirë i javës është vlerësuar Florin Bratu i Partizanit. Ky përzgjedhje vjen si pasojë e fitores së arritur nga të kuqtë me rezultatin 3-2 në transfertën ndaj Vllaznisë, zhvilluar në stadiumin “Loro Boriçi”, rezultat ky që i solli Partizanit tri pikët e para për këtë sezon.