Java e 31-të e Kategorisë Superiore u mbyll mbrëmë me ndeshjen AF Elbasani – Partizani.
Trajnerët e ekipeve kombëtare kanë përzgjedhur formacionin dhe trajnerin më të mirë të kësaj jave, sipas skemës 1-3-4-1-2.
Në portë qëndron gardiani i AF Elbasanit, Klevi Totoshi, i cili zhvilloi një paraqitje të shkëlqyer dhe mbajti portën e paprekur në takimin ndaj Partizanit.
Treshja e mbrojtjes përbëhet nga:
- Arsen Kasa (AF Elbasani)
- Dajan Shehi (Vora)
- Aurel Marku (Bylis)
Në mesfushë pozicionohen:
- Xhonatan Lajthia (AF Elbasani)
- Patrik Myslovic (Tirana)
- Bangaly Diawara (Flamurtari)
- Malomo Ayodeji (Dinamo City)
Pas tyre vepron Sherif Kallaku i Vllaznisë, ndërsa dyshja e sulmit përbëhet nga Kevin Dodaj (Vllaznia) dhe Redon Xhixha (Tirana), të cilët ishin vendimtarë në sukseset e ekipeve të tyre.
Trajneri më i mirë i javës së 31-të është Orges Shehi i Tiranës, pas fitores së rëndësishme 3-1 ndaj Egnatias.