Pas hedhjes së shortit për turin e parë kualifikues të UEFA Champions League, kampionët e Shqipërisë, Egnatia, janë njohur me kundërshtarin e tyre, i cili do të jetë ekipi moldav Petrocub Hîncești. Përfaqësuesit e Rrogozhinës kanë shmangur përballje me ekipe si Kairat, Craiova, Drita, Borac apo Vikingur.
Kalendari i ndeshjeve është vendosur si më poshtë:
• Ndeshja e parë: 7 ose 8 korrik, në transfertë në Moldavi.
• Ndeshja e kthimit: 14 ose 15 korrik, në Rrogozhinë.
Në të njëjtën fazë të turneut, skuadra e Dritës do të përballet me ekipin lituanez Kauno Žalgiris. Shorti i përgjithshëm i turit të parë përfshin edhe takime të tjera si: Sabah – TNS, Floriana – Shamrok, Flora Talin – Iberia, Linkoln Red Imps – Inter Eskaldes, Tre Fiori – Larne, Ararat Armenia – Riga, Vardar – KuPS Kuopio, Vitebsk – U. Kraiova, Borac – Levski Sofia, Vikingur – Giori, Kairat Almati – Sutjeska dhe Klaksvik – Atert Bisen.