Pas sulmit të dështuar me raketa nga Irani drejt bazës ushtarake britanike në Diego Garcia, në Oqeanin Indian, ekspertët britanikë deklarojnë se Britania është e pambrojtur ndaj raketave iraniane.
Sipas tyre, ishulli, i cili ndodhet 2.360 milje nga Irani – shumë më tepër se rrezi e besuar e goditjeve prej 1.240 milje – mbrohet nga sistemet raketore amerikane të stacionuara në Evropë. Ky sulm dhe deklarata e shefit të shtabit të ushtrisë izraelite nxjerrin në pah mangësitë e mbrojtjes britanike.
Ekspertët besojnë se Irani ka zgjeruar rrezen e veprimit duke përdorur teknologjinë hapësinore Simorgh, çka e bën të mundshme goditjen e objektivave si Parisi, në 2.609 milje, dhe Londra, në 2.750 milje larg. Eksperti britanik i mbrojtjes Steve Prest shpjegon: "Raketat balistike janë raketa kozmike. Pas lëshimit ato ngjiten shumë lart në hapësirën kozmike dhe rikthehen në tokë me shpejtësi shumë të madhe. E nëse ke program hapësinor ke edhe programe të raketave balistike".
Në rast sulmi balistik, Britania do të mbështetet te sistemet amerikane SM-3, të vendosura në Evropën Lindore, dhe Patriot, që përdoren nga gjermanët për interceptim. SM-3 mendohet se ka shkatërruar një raketë iraniane të drejtuar drejt Diego Garcia, bazë e përdorur nga britanikët dhe amerikanët.
Zhvillimet në Lindjen e Mesme, përfshirë luftën në Iran, kanë ekspozuar boshllëqe në mbrojtjen difensive britanike, krahasuar me kapacitetet ofensive ajrore në kontekstin e konflikteve konvencionale.