Tre shtetas shqiptarë janë ekstraduar nga Gjermania dhe Italia drejt Shqipërisë, në kuadër të operacionit ndërkombëtar "The Wanted", të zhvilluar nga Drejtoria e Interpolit në bashkëpunim me autoritetet e huaja.
Sipas njoftimit të Policisë së Shtetit:
Ibrahim Anxhara, i njohur ndryshe si Ibrahim Potka, 27 vjeç, u ekstradua nga Gjermania. Gjykata e Korçës e dënoi në vitin 2024 me 3 vite e gjysmë burgim për veprën penale "Prodhimi dhe shitja e narkotikëve".
Samoel Terolli, i njohur si Jetmir Hysenaj, 46 vjeç, u ekstradua nga Milano, Itali. Gjykata e Shkallës së Parë e Juridiksionit të Përgjithshëm Lezhë e dënoi në qershor 2023 me 5 vite burgim për "Ndihma për kalim të paligjshëm të kufijve", e kryer në bashkëpunim.
Genci Balla, 51 vjeç, banues në Durrës, u ekstradua nga Italia. Gjykata e Rrethit Gjyqësor Durrës e dënoi me 2 vite e 8 muaj burgim, me pjesën e mbetur 2 vite, 2 muaj e 23 ditë, për "Korrupsion pasiv i personave që ushtrojnë funksion publik".
Operacioni "The Wanted" vijon.