Drejtoria për Bashkëpunim Ndërkombëtar Policor e Policisë së Kosovës, në koordinim me njësitë e tjera policore dhe institucionet e drejtësisë, ka realizuar më 5 shkurt 2026 ekstradimin e shtetasit kosovar R.K. nga Britania e Madhe në Kosovë.
I dyshuari ishte arrestuar nga autoritetet britanike, pasi kërkohej me urdhër arrest ndërkombëtar të lëshuar nga institucionet e drejtësisë së Republikës së Kosovës për veprën penale grabitje. Ai i ishte shmangur drejtësisë.
Ekstradimi u bë i mundur falë bashkëpunimit ndërmjet institucioneve të Republikës së Kosovës dhe atyre të Britanisë së Madhe.
Pas mbërritjes në Kosovë, R.K. u dorëzua njësive përkatëse të policisë në rajonin e Prishtinës për vazhdimin e procedurave ligjore.
Përditësime
Portali IndeksOnline identifikon të dyshuarin R.K. si Rinor Korqa, kosovarin e ekstraduar nga Britania e Madhe për grabitje.