Policia e Kosovës ka realizuar ekstradimin e një shtetasi kosovar nga Anglia në Kosovë më 15 janar 2026.
I dyshuari ishte arrestuar më parë nga autoritetet angleze, pasi kërkohej me urdhërarrest ndërkombëtar të lëshuar nga institucionet e drejtësisë së Kosovës për veprat penale vrasje në tentativë dhe shkaktim i rrezikut të përgjithshëm.
Ekstradimi u mundësua falë bashkëpunimit ndërmjet institucioneve të Republikës së Kosovës dhe atyre të Mbretërisë së Bashkuar. Procesi u krye nga Drejtoria për Bashkëpunim Ndërkombëtar Policor, në koordinim me njësitë e tjera relevante policore dhe institucionet e drejtësisë.
Pas mbërritjes në Kosovë, i dyshuari u dorëzua njësive përkatëse policore për vazhdimin e procedurave ligjore. Policia e Kosovës do të vazhdojë shkëmbimin e informacionit me institucionet vendore dhe ndërkombëtare për parandalimin dhe hetimin e veprimtarive kriminale.
Përditësime
I dyshuari quhet Fatmir Hasani.