D.B., 47 vjeç, banues në Nikël të Krujës, pritet të ekstradohet sot nga Dubai në Shqipëri. Ai u arrestua në Dubai për llogari të autoriteteve shqiptare në kuadër të operacionit ndërkombëtar „The Wanted”, që synon lokalizimin, kapjen dhe ekstradimin e personave në kërkim ndërkombëtar.
Gjykata e Posaçme e Shkallës së Parë Kundër Korrupsionit dhe Krimit të Organizuar më datë 15.05.2024 i ka caktuar masën e sigurisë „arrest në burg”. Akuzat kundër tij përfshijnë veprat penale:
- Sigurimi i kushteve dhe i mjeteve materiale për të kryer vrasje;
- Grupi i strukturuar kriminal;
- Kultivimi i bimëve narkotike;
- Kryerja e veprave penale nga organizata kriminale ose grup i strukturuar kriminal.
Ekstradimi realizohet pas procedurave të nevojshme në Dubai. Burimet konfirmojnë se D.B. do të transferohet në Shqipëri për të vazhduar procedurat gjyqësore.