Autoritetet ekuadoriane njoftuan se kanë vendosur 10 mijë ushtarë kundër bandave të drogës, të fajësuara për rritjen e dhunës në vend. Kjo masë u mor të premten në qytetet kyçe si Guayaquil dhe Manta.
Ekuadori, i vendosur midis Kolumbisë dhe Perusë, dy eksportuesve më të mëdhenj të kokainës, është bërë qendër tranziti për drogën dhe po përjeton përshkallëzim të dhunës për shkak të përplasjeve midis bandave të lidhura me kartelet meksikane dhe kolumbiane. Së fundmi, mafia shqiptare po shtrin ndikimin në këtë zonë.
Qeveria e Presidentit Daniel Noboa, një aleat i Presidentit të SHBA-së Donald Trump, vendosi të përforcojë forcat e sigurisë. Ministri i Mbrojtjes Giancarlo Loffredo urdhëroi ushtrinë të veprojë për një periudhë të pacaktuar në Guayaquil, ku zbarkuan qindra anëtarë të forcave speciale. Avionë me personel ushtarak u dërguan në Manta, portin kryesor të peshkimit dhe pikë kritike për kartelet.
Në mesin e dhjetorit, Shtetet e Bashkuara njoftuan dërgimin e trupave amerikane në Ekuador si pjesë e një misioni të përkohshëm kundër trafikut të drogës.