Gjatë seancës plenare të Kuvendit më 2 Prill 2026, deputetja e Partisë Demokratike Elda Hoti i ka marrë kartën e deputetes së Partisë Socialiste Bora Muzhaqi, duke mos e lejuar të flasë.
Muzhaqi u ngrit për të marrë fjalën në momentin kur foltorja ishte bllokuar fillimisht nga deputeti Flamur Noka dhe më pas nga deputetë të tjerë të PD-së.
Hoti debatoi edhe me deputetin Taulant Balla, teksa dëgjohet të thotë: "Kujdes kur flet me mua? Pse kush jam unë, shoqja jote?".
Ngjarja ndodhi në një situatë tensioni në sallën e Kuvendit, ku opozita kishte bllokuar foltoren.