Deputeti i Partisë Demokratike të Kosovës (PDK), Enver Hoxhaj, ka ndarë me publikun pamje nga një marshim i Ushtrisë Çlirimtare të Kosovës (UÇK), i mbajtur në Prishtinë në shtator të vitit 1999. Nëpërmjet një postimi në rrjetin social Facebook, ai kujtoi pjesëmarrjen e dhjetëra mijëra qytetarëve në atë kohë për të nderuar ushtrinë që solli lirinë në vend, pak para transformimit të saj.
Sipas Hoxhajt, pas 27 vjetësh, qytetarët e Kosovës do të mblidhen sërish në shesh për të kërkuar drejtësi për ish-krerët e UÇK-së, të cilët aktualisht po përballen me një proces gjyqësor në Hagë. Deputeti theksoi rëndësinë e këtij organizimi, duke u shprehur se historia po thërret sërish qytetarët në mbrojtje të vërtetës dhe lirisë. Marshimi i Lirisë është paralajmëruar të mbahet nesër, duke filluar nga ora 14:00, në sheshin Skënderbeu në kryeqytet, ku qytetarët janë ftuar të marshojnë të bashkuar.
Përditësime
Qytetarët janë mbledhur sot në sheshin Skënderbeu në Prishtinë për të mbajtur Marshin për Liri. Deputeti i Partisë Demokratike të Kosovës, Enver Hoxhaj, publikoi pamje nga zhvillimi i kësaj proteste. Hoxhaj e përshkroi marshimin me mesazhin UÇK-ja e popullit, duke theksuar mbështetjen për ish-krerët e Ushtrisë Çlirimtare të Kosovës.