Presidenti turk Recep Tayyip Erdoğan mbajti një mesazh për Fitër Bajramin pas përfundimit të muajit të Ramazanit, më 20 mars 2026.
Në fjalimin e tij, ai kritikoi Izraelin, duke thënë se "Izraeli sionist ka vrarë qindra mijëra njerëz" dhe se "do ta paguajë çmimin për këtë".
Erdoğan u ndal te situata në Lindjen e Mesme, të cilën e përshkroi si shumë të tensionuar dhe në trazira. Ai theksoi se bota islame po përballet me sfida serioze, duke humbur vazhdimisht dëshmorë dhe veteranë.
Presidenti turk bëri thirrje për unitet dhe solidaritet mes myslimanëve. Ai lutet që Zoti t'i mbrojë dhe çlirojë nga fatkeqësia e sionistëve, duke thënë: "E shkatërroftë plotësisht Izraelin në emër të emrit të Tij të lavdishëm 'Al-Qahhar'".
Ai rikujtoi se rajoni "po vlon" dhe nënvizoi nevojën për stabilitet dhe bashkëpunim. Erdoğan uroi besimtarët myslimanë për festën, duke shprehur shpresën që ajo të shërbejë si moment rilindjeje për botën islame.
Deklaratat vijnë në një kohë kur marrëdhëniet mes Turqisë dhe Izraelit janë të tensionuara, veçanërisht pas zhvillimeve të fundit në Gaza dhe përshkallëzimit të situatës në rajon.