Presidenti turk Rexhep Taip Erdogan reagoi pas sulmit në konsullatën izraelite në Beşiktaş të Stambollit, duke e dënuar atë si akt frikacak dhe të neveritshëm terrorist.
Në deklaratën e tij, ai bëri të ditur se 3 terroristë u neutralizuan, ndërsa 2 oficerë policie u plagosën lehtë. Erdogan u uroi shërim të shpejtë oficerëve të policisë dhe shprehu ngushëllimet për Drejtorinë e Policisë së Stambollit dhe popullin e qytetit.
Zyra e Kryeprokurorit, policia dhe agjencitë e inteligjencës kanë nisur hetimet. Ai theksoi se Turqia do të vazhdojë me vendosmëri luftën kundër të gjitha formave të terrorizmit dhe nuk do të lejojë që klima e sigurisë të preket nga provokime të tilla të liga dhe të paramenduara.
"Dua që të dihet se ne e dënojmë sulmin frikacak që ndodhi sot në Beşiktaş të Stambollit. Në këtë akt të shëmtuar terrori, 3 terroristë u neutralizuan dhe 2 nga oficerët tanë heroikë të policisë u plagosën lehtë", tha ai.