Komuna e Prishtinës ka njoftuar se erërat e forta, të pranishme gjatë mbrëmjes së të dielës, kanë shkaktuar dëme të lehta materiale në disa zona të qytetit dhe në Komunën e Fushë Kosovës.
Drejtoria për Siguri dhe Emergjenca e Komunës së Prishtinës ka bërë thirrje për kujdes të shtuar nga qytetarët, veçanërisht gjatë lëvizjes në hapësira të hapura dhe pranë objekteve apo strukturave të paqëndrueshme.
Ekipet e Zjarrfikësve të Kryeqytetit kanë dalë në terren për të menaxhuar situatën dhe vazhdojnë angazhimin e tyre, duke mbuluar edhe territorin e Komunës së Fushë Kosovës për të parandaluar rreziqe të mundshme.
Në Fushë Kosovës, një person mbeti i lënduar si pasojë e rrëzimit të fasadës së një objekti për shkak të erërave. Inspektorati ka dalë në terren për të inspektuar objektin e dëmtuar.
Autoritetet komunale kanë dhënë numrat emergjentë për qytetarët:
• 0800 122 44
• 0800
Drejtoria për Siguri dhe Emergjenca do të jetë në gatishmëri të vazhdueshme dhe qytetarët do të njoftohen për çdo zhvillim të ri.