Ish-deputeti Ervin Salianji i është bashkuar protestës kombëtare të opozitës para Kryeministrisë në Tiranë, të martën më 10 shkurt 2026. Protesta u thirr nga kryetari i Partisë Demokratike, Sali Berisha.
Salianji u shfaq në shesh së bashku me disa mbështetës të tij, në kuadër të rrugëtimit të tij për ndryshime në Partinë Demokratike. Ai u takua dhe përshëndeti disa protestues demokratë të pranishëm.
Një ditë më parë, Salianji kishte bërë thirrje për pjesëmarrje masive në këtë tubim. Ai ka theksuar nevojën për radikalizim të aksionit politik të opozitës pas skandaleve të qeverisë dhe mungesën e aktivizmit në PD.
Protesta zhvillohet në mënyrë paqësore, me pjesëmarrje nga Tirana dhe rrethe të tjera. Autoritetet kanë angazhuar 1300 efektivë policie, të pajisur me maska kundër gazit dhe autobotë me ujë, por nuk raportohen incidente serioze.
Përditësime
Ervin Salianji ka nisur një turë takimesh me bazën e Partisë Demokratike për ta rienergjizuar atë.