Partia Demokratike zhvilloi të shtunën, më 24 janar 2026, protestën e dytë kombëtare para Kryeministrisë në Tiranë, duke filluar rreth orës 17:00.
Kreu i PD-së, Sali Berisha, mbërriti pak minuta para nisjes në selinë qendrore të partisë, ku u prit nga simpatizantë dhe deputetë si Gazment Bardhi, Flamur Noka dhe Agron Gjekmarkaj. Ai doli nga selia dhe marshoi drejt sheshit bashkë me mbështetësit.
Protesta kërkon dorëheqjen e kryeministrit Edi Rama dhe zëvendëskryeministres Belinda Balluku, pas akuzave të SPAK-ut për korrupsion e abuzim me tendera ndaj saj. GJKKO e pezulloi Ballukun nga detyra, por Gjykata Kushtetuese e riktheu përkohësisht për shkak të ankimit të Këshillit të Ministrave. Opozita akuzon Ramën për presion mbi drejtësinë dhe lidhje me krimin.
Në mesazhe në rrjetet sociale, Berisha e quajti ditën si atë të "guximit qytetar" dhe "gjyqit" ndaj kryeministrit, duke thirrur të rinjtë të ngrihen për të rikthyer shpresën e shqiptarëve. Pas fjalimit të tij, protestuesit hodhën bomba molotov dhe fishekzjarrë drejt Kryeministrisë, duke ndezur zjarr. Policia u përgjigj me gaz lotsjellës e makinë uji, ndërsa turma u zhvendos drejt Kuvendit.
Policia e Tiranës vendosi rreth 1300 forca në terren për sigurinë, duke fortifikuar Kryeministrinë dhe duke ndaluar qarkullimin në Bulevardin "Dëshmorët e Kombit". Pritet prani e zjarrfikësve e ambulancave.
Qytetarë nga qytete të ndryshme u bashkuan:
- Kamza
- Vora
- Kavaja
- Durrësi
Duke shprehur pakënaqësi ndaj qeverisë. Opozita paralajmëron protesta të qëndrueshme deri në largimin e qeverisë.
Përditësime
Shkëlzen Berisha, i shoqëruar nga Arjan Ndoja, mori drejtimin e protestës pas largimit të Sali Berishës dhe organizoi vazhduesën drejt Kuvendit.
Ervin Salianji iu bashkua protestës.
Sali Berisha deklaroi se "Edi Rama nuk ikën me votë, por vetëm me revoltë popullore". Ai e akuzoi Ramën si kreun e "organizuatës kriminale më të rrezikshme në Europë" dhe bëri thirrje për qeveri teknike.
Numri i efektivëve të policisë u rrit në 1350-1600.
Snajperistë u pozicionuan mbi Kryeministrinë dhe Kuvendin.
Tedi Blushi, deputet i Partisë së Lirisë, foli në protestë.
Policia e Shtetit deklaroi se 11 efektivë policie dhe disa protestues u plagosën gjatë protestës. Policia shoqëroi 23 persona.
- Përplasje brenda Komisariatit nr. 1 mes Gazment Bardhës dhe deputetëve të PD-së.
- Sali Berisha publikoi video të një të mituri të shoqëruar, duke e quajtur "dhunë shtetërore".
Protesta ka përfunduar.
Sali Berisha mbajti konferencë për shtyp pas protestës, duke e cilësuar atë revoltë kundër Kryeministrit Edi Rama.
Sipas Berishës:
- Protesta zgjati rreth 3 orë me qindra mijëra pjesëmarrës nga Tirana dhe e gjithë vendi.
- 'Dje, për 3 orë kryengritësit guximtarë morën në dorë Tiranën...'
- Akuzoi Ergys Agasin.
- Theksoi se protesta nuk synonte institucionet, por korrupsionin dhe krimin në qeveri.