Kreu i Partisë Demokratike, Sali Berisha, ka mbërritur në Selinë Blu në Tiranë pak minuta para nisjes së protestës së opozitës para Kryeministrisë, më 22 mars 2026.
Ai u prit në oborrin e selisë nga mbështetësit demokratë me ovacione dhe brohorima. Berisha përshëndeti të pranishmit, hyri në ambientet e selisë dhe rreth orës 18:35 doli për të nisur marshimin drejt sheshit para Kryeministrisë.
Protesta, e paralajmëruar për orën 18:00, filloi me vonesë. Berisha u shoqërua nga deputetë si Boçi dhe Noka, si dhe nga militantë dhe mbështetës demokratë.
Opozita kërkon rrëzimin e qeverisë Rama dhe krijimin e një qeverie teknike me bazë të gjerë.
Përditësime
- Protestuesit marshuan në disa zona të Tiranës dhe tani kthehen drejt Selisë Blu.
- Sali Berisha u largua përkohësisht nga marshimi për shkak të gazit lotsjellës të hedhur pranë tij dhe u rikthye.
- Policia ka vendosur kordon sigurie në rrugët drejt Parlamentit.