Partia Demokratike zhvilloi protestën e shtatë kombëtare para Kryeministrisë në Tiranë më 17 prill 2026, duke nisur në orën 19:00. Protestuesit u grumbulluan para godinës së Kryeministrisë, ndërsa kreu i PD-së, Sali Berisha, mbërriti fillimisht në selinë blu ku u prit nga mbështetësit dhe strukturat e partisë.
Sali Berisha marshoi në këmbë me protestuesit drejt bulevardit para Kryeministrisë pas një takimi me strukturat. Ndryshe nga dy ose tre protestat e fundit që kishin vetëm marshim, kësaj radhe u rikthyen fjalimet në podium. PD kishte kërkuar tre orë leje për protestën.
Nga podiumi, Sali Berisha sfidoi kryeministrin Edi Rama duke thënë se, nëse ky i fundit nuk paraqitej në gjyq si dëshmitar, të pranonte një debat televiziv. Berisha vlerësoi aksionet e protestave të deritanishme dhe theksoi se Partia Demokratike është zgjedhja më e mirë për vendin.
Menjëherë pas fjalimit të Berishës, protestuesit hodhën molotovë. Në terren ishin vendosur rreth 1500 forca policie nga të gjitha strukturat për mbarëvajtjen e protestës.
Përditësime
Qytetarë nga Kukësi, Mati, Peqini, Lezhë dhe Shkodra bashkohen në protestën e PD-së me autokolona të gjata dhe flamuj partiakë.
Policia e Shtetit u kërkon organizatorëve të shmangin aktet që cenojnë rendin publik.
Autoritetet kanë ngritur gardh metalik, podium dhe kanë bllokuar qarkullimin në Bulevard.
Drejtori i Përgjithshëm i Policisë së Shtetit drejton operacionin në terren.