Kreu i Partisë Demokratike, Sali Berisha, ka lënë selinë blu të partisë dhe i është drejtuar sheshit para Kryeministrisë për të nisur protestën e sotme.
Kjo është protesta e tretë kombëtare e organizuar nga Partia Demokratike për këtë vit. Me daljen e Berishës nga selia, është shënuar nisja zyrtare e demonstratës. Ai shoqërohet nga eksponentë të tjerë demokratë dhe simpatizantë të partisë.
Berisha pritet të jetë folësi kryesor i protestës. Përmes kësaj proteste, opozita kërkon largimin e menjëhershëm të kryeministrit Edi Rama dhe qeverisë së tij.
Protesta zhvillohet në sheshin para Kryeministrisë në Tiranë.