Estadio Riazor, shtëpia e Deportivo La Coruña me kapacitet 32.471 ulëse, është tërhequr nga organizimi i ndeshjeve të Kupës së Botës 2030. Ky stadion kishte qenë në listën fillestare të 10 arenave spanjolle.
Sipas rregullave të FIFA-s, stadiumet duhet të kenë të paktën 40.000 ulëse. Drejtuesit e Deportivo-s kishin shqyrtuar zgjerimin deri në 48.000 vende, por në një deklaratë të 2024-s theksuan se prioriteti është ruajtja e stadionit sipas nevojave të tifozëve dhe investimi në zhvillimin e klubit, pa rrezikuar qëndrueshmërinë financiare.
Deportivo La Coruña, kampion i La Ligës në sezonin 1999/2000, nuk ka luajtur në këtë kompeticion që nga viti 2018. Klubi ra deri në kategorinë e tretë dhe u rikthye në Segunda División në vitin 2024. Stadioni ka pritur gjashtë ndeshje të kombëtares spanjolle, e fundit në vitin 2009, si dhe disa ndeshje të Kupës së Botës 1982.
Konteksti i Kupës së Botës 2030
Kupa e Botës 2030 do të organizohet nga gjashtë shtete: nga një ndeshje në Uruguai, Argjentinë dhe Paraguai për të shënuar 100-vjetorin e FIFA-s, ndërsa pjesa kryesore në Spanjë, Portugali dhe Marok. Në atë kohë, klubet Valencia dhe Celta Vigo shprehën zhgënjimin përjashtimin e stadiumeve të tyre.
Kupë Botës 2026
Sa i përket Kupës së Botës 2026, ajo do të zhvillohet në SHBA, Kanadë dhe Meksikë, me sfida logjistike për shkak të luftës mes SHBA-së dhe Iranit, si dhe shqetësime sigurie në Meksikë lidhur me bandat kriminale.