Kinema-Theatër Nacional u hap në nëntor 1926 në Tiranë dhe u bë dritare e parë për shqiptarët drejt Perëndimit. Familja Beshiri ka luajtur rol në historinë e saj.
Kërcimi tap dance i Nuriut
Nuriu, 88 vjeçar me kujtesë të freskët, kujton hapat e tij të kërcimit "tip-tap" ose tap dance nën ritmin e muzikës jazz në sallën e Kinema-Theatër Nacional. Ai mund të jetë ndër të parët shqiptarë që dha shfaqje të këtij lloji në Shqipëri, në vitet '30-'40.
Kërcimi tap dance ka rrënjë në Irlandë, por mori famë në Amerikë, veçanërisht në dekadat e para të shekullit të kaluar. Shfaqjet e Broadway-t në Nju Jork dhe filmat hollivudianë, me aktorë si Fred Astaire, Ginger Rogers e Joan Fontaine, e bënë të njohur. Është ritmik dhe kulmon me përplasjen e këmbëve në dysheme sipas melodisë.
Origjina dhe pasuria e familjes Beshiri
Mbiemri i Nuriut lidhet me familjen Beshiri, me origjinë nga fshati Besh i Tiranës, ku kishin toka të mëdha me pyje. Familjarët erdhën në qytet mbi tre shekuj më parë dhe u morën me tregtinë e përpunimit të drurit për anije. Blerësit kryesorë ishin venedikët, austro-hungarezët dhe Shkodra.
Pasuria e tyre u rrit falë kësaj tregtie gjatë tre shekujve në Shqipërinë Otomane, duke i dhënë mëvetësi për të mos mbajtur tituj zyrtarë. Familja la gjurmë të rëndësishme në Tiranë, duke përfshirë ndërtimin e dyerve më të mëdha në trevën e Tiranës.