Në Durrës, më 3 maj 2026 mesditë, në zonën e ish-Kënetës ose lagjën nr. 15, ndodhi një aksident rrugor ku Nikoll Radaçi, 57-vjeç, përplasi me automjetin tip Mercedes-Benz ML tre fëmijë që luanin në trotuar. Dy prej tyre, të moshave 10 dhe 12 vjeç, humbën jetën në vendngjarje, ndërsa 8-vjeçari, vëllai i njërit prej viktimave, u dërgua në Spitalin e Traumës në gjendë të rëndë.
Radaçi drejtonte me shpejtësi të lartë dhe nën efektin e alkoolit. Testi i parë i alkoolit doli 0.73 mg/l, ndërsa i dyti 0.70 mg/l. Ai u largua fillimisht nga vendngjarja, por u ndalua dhe arrestua nga policia pas ngritjes së pikave të kontrollit. Ndaj tij rëndojnë akuzat për shkelje të rregullave të qarkullimit rrugor me pasojë vdekjen e dy personave, drejtim të automjetit në gjendje të dehur dhe largim nga vendi i aksidentit.
57-vjeçari kishte precedentë penalë për shkelje të rregullave të qarkullimit. Në vitin 2020 u ndëshkua për parakalim të gabuar dhe tejkalim shpejtësie, me pezullim të lejes së drejtimit për një muaj. Banorët e lagjes e kishin denoncuar disa herë për drejtimin e rrezikshëm.
Familja e Radaçit, banore e së njëjtës lagje me familjet e viktimave, u largua mbrëmjen e 3 majit nga frika e hakmarrjes. Burime policore konfirmojnë se forcat e rendit e shoqëruan largimin për të shmangur përshkallëzimin e situatës. Policia vazhdon monitorimin e zonës dhe hetimet.
Përditësime
Dy fëmijët e Nikoll Radaçit u përcjellën në banesën e fundit nga familjarët dhe banorët e zonës së ish-Kënetës, pas homazheve.
- Zëvendëskryeministrja Albana Koçiu mori pjesë në homazhe, shprehu ngushëllimet dhe theksoi nevojën për standarde të larta sigurie pa neglizhencë.