Mesditën e së dielës, në zonën e ish-Kënetës në Durrës, Nikollë Rradaçi, 57 vjeç, goditi me automjetin e tij tre fëmijë. Dy prej tyre humbën jetën, ndërsa i treti ndodhet në gjendje kritike në Spitalin e Traumës.
Rradaçi u mor në pyetje dy herë nga grupi hetimor i policisë, fillimisht në gjendje të rënduar psikologjike dhe nën efektin e alkoolit. Mësohet se deklaroi: “Me vrisni. Nuk meritoj të jetoj. Dua të vras veten. Jam i tronditur. Nuk mbaj mend asgjë. Mora në qafë fëmijët. Isha në gjendje të dehur.”
Ankesat e banorëve
Banorët e zonës kishin bërë ankesa të përsëritura në polici kundër Rradaçit për drejtimin e automjetit me shpejtësi të lartë dhe në gjendje të dehur. Vetëm një ditë më parë, një banor shpëtoi për pak bashkë me nipin 7-vjeçar nga përplasja me mjetin e tij.
Ndëshkime të mëparshme
Rradaçi ishte ndëshkuar më herët nga policia. Në dy raste i ishte hequr leja e drejtimit për drejtim nën efekt alkooli.
Përditësime
Testi i alkoolit tregoi 0,7% alkool në gjakun e Nikollë Rradaçit.