Në komunën e Obiliqit, në rrugën “Hivzi Sulejmani”, familja Kajtazi ka pësuar dëme të konsiderueshme materiale si pasojë e vërshimeve të ndodhura në fillim të këtij viti. Për shkak të këtyre vërshimeve, një pjesë e murit rrethues të oborrit të shtëpisë është rrëzuar.
I dëmtuari Driton Kajtazi deklaroi se dëmet janë shkaktuar jo vetëm nga vërshimet, por edhe nga bllokimi i urave në lumin Sitnica dhe hedhja e dheut në shtratin e tij. Kjo ka penguar rrjedhjen normale të ujit. Ai përmendi dëmtimin e kuzhinës, ku mjetet si shporet dhe frigoriferi nuk funksionojnë më. Vlera e dëmeve arrin rreth 7-8 mijë euro.
Kajtazi theksoi se uji ka dëmtuar gjithashtu podin, garazhën dhe zonat e tjera të oborrit. Ai planifikon të drejtohet te Komuna e Obiliqit të hënën, për të dorëzuar dëshmi fotografike të dëmeve dhe për të paraqitur ankesë kundër mbylljes së urave dhe kanaleve.
Sipas tij, problemi buron nga mosmirëmbajtja e kanaleve dhe urave, ku kanalet nuk janë pastruar dhe urat janë bllokuar. Kajtazi kërkoi nga komuna të ndërmarrë masa për zgjidhjen e këtij çështjeje, duke e quajtur shkaktar kryesor faktorin njeri.