Fitore Pacolli, ministre e Ministrisë së Mjedisit dhe Planifikimit Hapësinor, ka njoftuar se inspektorati i kësaj ministrie ka konstatuar shkelje ligjore nga Komuna e Prishtinës në menaxhimin e deponisë së mbetjeve inerte dhe të vëllimshme në zonën e Matiçanit.
Me aktvendim zyrtar, komuna obligohet të nisë procedurat ligjore për pajisje me pëlqim ujor brenda një afati prej 15 ditësh. Ministrja Pacolli paralajmëroi se çdo neglizhencë apo mosveprim brenda këtij afati do të pasohet me masa të menjëhershme ligjore, konform legjislacionit në fuqi.
Ajo theksoi se "mbrojtja e mjedisit dhe e ujërave është prioritet i padiskutueshëm i yni" dhe se "ligji vlen njëlloj për të gjithë, përfshirë edhe institucionet komunale".
Sipas një njoftimi të Komunës së Prishtinës më 15 mars, depia ndodhet në rrugën "Qëndresa", ku ishte bërë thirrje për dërgim të mbeturinave përmes ndërmarrjeve "Pastrimi" ose "Gjelbër".