Ministrja në detyrë e Mjedisit, Planifikimit Hapësinor dhe Infrastrukturës, Fitore Pacolli-Dalipi, ka njoftuar zyrtarisht se ka filluar pranimi i mbeturinave nga qytetarët në katër deponi sanitare të Kompanisë për Menaxhimin e Deponive të Kosovës (KMDK).
Qytetarët mund t'i dërgojnë mbeturinat e tyre në këto lokacione:
• Mirash
• Landovicë
• Velekincë
• Dumnicë
Sipas njoftimit, këto hapësira do të jenë në dispozicion të publikut çdo të shtunë, nga ora 08:00 deri në 16:00. Qëllimi i kësaj nisme është ofrimi i një mundësie të rregullt dhe të sigurt për largimin e mbeturinave, duke kontribuar në mbrojtjen e mjedisit dhe parandalimin e hedhjes ilegale të tyre në natyrë.
Ministrja Pacolli-Dalipi theksoi se tashmë nuk ekziston asnjë arsye apo justifikim për krijimin e deponive ilegale. Ajo u bëri thirrje qytetarëve që të tregojnë përgjegjësi kolektive, duke nënvizuar se ruajtja e ambientit është detyrë e secilit për një Kosovë më të pastër dhe më të gjelbër.