Federata Polake e Futbollit (PZPN) ka vendosur një premio prej 4.2 milionë dollarësh për futbollistët e ekipit kombëtar, në rast se Polonia kualifikohet në Kampionatin Botëror 2026, që do të zhvillohet në SHBA, Meksikë dhe Kanada.
Kjo masë synon motivimin e lojtarëve para sfidës vendimtare me Shqipërinë në gjysmëfinalen e play-off-it, më 26 mars, ku Polonia do të jetë nikoqir.
Lajmi u publikua nga gazetari Mateusz Ligęza në platformën X. Ai shkroi se premia përfaqëson afërsisht 40% të 10.5 milionë dollarëve të garantuar nga FIFA për pjesëmarrësit në fazën e grupeve të Botërorit. "Nëse Polonia shkon në Botëror, lojtarët e ekipit kombëtar do të marrin një bonus shumë të madh nga Federata Polake e Futbollit (PZPN)", u shpreh Ligęza.
Nëse Polonia kalon Shqipërinë, do të përballet në finale me fituesen e ndeshjes midis Suedisë dhe Ukrainës. Trajneri Jan Urban do të bëjë publike listën e lojtarëve më 20 mars.
Përditësime
- Skuadra fituese e plejof-it Poloni-Shqipëri vendoset në Grupin F të Kupës së Botës, kundër Holandës, Japonisë dhe Tunizisë.
- Federata Polake vendosi një premi prej 4.2 milionë dollarësh për kualifikimin ndaj Shqipërisë dhe synon të shmangë polemikat për ndarjen e bonusit, si në Kupën e Botës në Katar.