Federata e Futbollit të Kosovës (FFK) ka publikuar një video motivuese për futbollistët e Kombëtares dhe tifozët para përballjes me Sllovakinë në gjysmëfinalen e play-off-it për Botërorin 2026.
Ndeshja zhvillohet më 26 mars në Bratislavë. Në rast fitoreje, Dardanët luajnë finalen më 31 mars dhe i afrohen kualifikimit historik në turne.
Videja, me sloganin “Hajde Kosovë, duam fitore”, është postuar në rrjetet sociale për të ngritur moralin e lojtarëve, të cilët janë në super-formë.
FFK-ja vazhdon me iniciativa të tilla për të mbështetur Kombëtaren në këtë fazë vendimtare.