Futbollistët kryesorë të Kombëtares së Kosovës mbërritën sot në Prishtinë, ku u akomoduan në hotelin e zakonshëm të përfaqësueses.
Federata e Futbollit të Kosovës (FFK) publikoi një video me yjet e Dardanëve, duke e shoqëruar me mesazhin: «Rimblidhemi në shtëpi. Aty ku rreh zemra jonë, në Kosovë».
Ata u pritën nga kryetari i FFK-së, Agim Ademi, dhe drejtori i Kombëtares, Muharrem Sahiti. Gjithashtu, u takuan me selektorin Franco Foda, i cili mbajti paraprakisht një konferencë për shtyp.
Kosova do të luajë të enjten kundër Sllovakisë në gjysmëfinalen e play-off-it për Botërorin. Nëse kalon, do të zhvillojë finalen në stadiumin Fadil Vokrri kundër fituesit të duelit Turqi–Rumani.
Përfaqësuesja do të stërvitet në Kosovë për tri ditë, para nisjes drejt Sllovakisë.