Programi i titulluar FIFA Benefits synon shpërblimin e klubeve për kontributin e tyre në aktivitetin më të madh futbollistik botëror. Përveç pagesës bazë ditore prej 5 mijë dollarësh për lojtar, FIFA ka parashikuar edhe bonuse shtesë. Këto shpërblime do të llogariten bazuar në numrin e ndeshjeve dhe minutat e aktivizimit të secilit lojtar gjatë turneut.
Sipas FIFA-s, shuma përfundimtare për çdo klub do të përcaktohet pas përfundimit të kompeticionit, pasi të jenë përpunuar të dhënat mbi pjesëmarrjen e futbollistëve. Një e treta e fondit total është rezervuar për periudhën e ndeshjeve kualifikuese.
Rritja prej 70 për qind krahasuar me Kupën e Botës 2022 reflekton angazhimin e institucionit për të mbështetur financiarisht klubet. Klube të shumta europiane, si Milani, pritet të arkëtojnë shuma të konsiderueshme varësisht nga numri i lojtarëve të grumbulluar dhe performanca e tyre në fushë.