Kupa e Botës 2026, e cila do të mbahet në Amerikën e Veriut, do të jetë edicioni më i pasur financiarisht në historinë e futbollit. FIFA ka konfirmuar zyrtarisht shpërndarjen e 871 milionë dollarëve për 48 kombëtaret pjesëmarrëse, shifër kjo e miratuar gjatë kongresit në Vankuver.
Struktura e shpërblimeve
Secila nga 48 skuadrat pjesëmarrëse do të përfitojë 10 milionë dollarë për kualifikimin dhe 2.5 milionë dollarë për shpenzimet e përgatitjeve. Për më tepër, FIFA ka alokuar 16 milionë dollarë si kontribut shtesë për mbulimin e shpenzimeve të delegacioneve.
Shpërblimet për performancën në fushë do të ndahen si më poshtë:
• Skuadrat që eliminohen në fazën e grupeve: 9 milionë dollarë
• Skuadrat që eliminohen në fazën e 1/16-ave: 11 milionë dollarë
• Skuadrat që eliminohen në fazën e 1/8-ave: 15 milionë dollarë
• Skuadrat që eliminohen në çerekfinale: 19 milionë dollarë
• Vendi i katërt: 27 milionë dollarë
• Vendi i tretë (medalja e bronzit): 29 milionë dollarë
• Nënkampionia: 33 milionë dollarë
• Fituesja e Kupës së Botës: 50 milionë dollarë
Kjo strukturë financiare pasqyron një rritje prej 15% krahasuar me 727 milionë dollarët e parashikuar fillimisht, duke synuar një mbështetje më të madhe për federatat pjesëmarrëse në këtë kompeticion të zgjeruar.