FIFA ka planifikuar një takim me zyrtarët e Federatës Iraniane të Futbollit në Cyrih të Zvicrës, më 20 maj. Sipas agjencisë Associated Press, ky njoftim vjen një ditë pas deklaratave të presidentit të FIFA-s, Gianni Infantino, i cili konfirmoi pjesëmarrjen e Iranit në Kupën e Botës të ardhshme.
Qëllimi kryesor i takimit është finalizimi i detajeve të udhëtimit për ekipin kombëtar iranian, të drejtuar nga trajneri Amir Ghalenoei, drejt Shteteve të Bashkuara. Irani pritet të zhvillojë tre ndeshje të fazës së grupeve në tokën amerikane, ku do të përballet me kombëtaret e Zelandës së Re, Belgjikës dhe Egjiptit.
Takimi është konfirmuar edhe nga presidenti i Federatës Iraniane të Futbollit, Mehdi Taj. Ai pritet të japë fund dilemave mbi pjesëmarrjen e Iranit, të cilat lindën për shkak të konflikteve të vazhdueshme në rajon. Irani kishte kërkuar zhvendosjen e ndeshjeve në Meksikë, por kjo kërkesë nuk u pranua.