Institucioni më i lartë i futbollit botëror, FIFA, po vlerëson një ndryshim të rëndësishëm në rregulloren e gjuajtjeve të penalltive përpara fillimit të fazave eliminatore të Kupës së Botës. Propozimi synon të rrisë barazinë në një nga momentet më vendimtare të ndeshjeve, duke zbutur avantazhin që tradicionalisht ka skuadra që nis e para gjuajtjet.
Sipas rregullores së re, skuadra që fiton hedhjen e monedhës nuk do të ketë më të drejtën automatike për të zgjedhur radhën e gjuajtjes. Në vend të kësaj, fituesi do të duhet të vendosë midis dy opsioneve:
• Të ekzekutojë penalltinë e parë.
• Të përcaktojë anën e fushës ku do të zhvillohet seria e gjuajtjeve.
Kjo nismë vjen pas analizave që sugjerojnë se skuadra që gjuan e para gëzon një përparësi psikologjike dhe statistikore. FIFA pritet ta marrë vendimin përpara nisjes së raundeve eliminatore të turneut, në përpjekje për të krijuar një ekuilibër më të madh konkurrues për ekipet pjesëmarrëse.