Ndeshja Finalissima mes kombëtareve të Argjentinës dhe Spanjës mund të zhvillohet në stadiumin Santiago Bernabéu në Madrid.
Fillimisht, përballja ishte paraparë të organizohej në Qatar, por planet kanë ndryshuar për shkak të situatës së tensionuar dhe luftës në Lindjen e Mesme. Organizatorët po shqyrtojnë alternativa të reja.
Sipas raportimeve të medias spanjolle Marca, opsioni që po fiton gjithnjë e më shumë terren është pikërisht stadiumi Santiago Bernabéu, shtëpia e klubit Real Madrid.
Finalissima vë përballë fituesin e Kampionatit Evropian me fituesin e Copa América, duke krijuar duel mes kampionëve të Evropës dhe Amerikës së Jugut.