Bashkimi dhe Trepça do të përballen sonte në Prizren në finalen e katërt të play-off-it të ProCredit Superligës. Ndeshja pritet të fillojë në orën 19:30.
Prizrenasit synojnë fitoren për të ngushtuar serinë finale në 3:1, kurse mitrovicasit duan të fitojnë dhe të shpallen kampionë për herë të tretë radhazi.
Në tri sfidat e para, Trepça fitoi 94:79 dhe 93:83 në Mitrovicë, si dhe 80:84 në Prizren.
Bashkimi është shpallur kampion i Kosovës vetëm një herë, më 2018. Trepça ka fituar titullin në vitet 1993, 2000, 2001, 2012, 2024 dhe 2025. Në finalet e vitit të kaluar, mitrovicasit triumfuan me rezultatin 4:2.
Dy skuadrat u përballën edhe në dy finalet e fundit të Kupës së Kosovës.
Përditësime
Finalja e katërt mes Bashkimit dhe Trepçës do të zhvillohet sonte në palestrën Sezai Surroi në Prizren.