Finalja e Kupës së Kosovës në futboll do të zhvillohet më 21 maj në ora 20:00 në stadiumin „Fadil Vokrri‟ në Prishtinë, midis skuadrave Ferizaj dhe Dukagjini i Klinës.
FFK ka njoftuar se të martën është bërë tërheqja e shortit për përcaktimin e skuadrës nikoqire në finale. Në prani të Komisionit të Garave dhe përfaqësuesve të klubeve, shorti i ka dhënë Ferizajt statusin e vendasit.
Ky status i mundëson Ferizajt të drejtën e zgjedhjes së fanellave në rast përputhjeje ngjyrash, si dhe vendosjen në bankinën dhe anën e stadiumit të parashikuar për skuadrën vendase, sipas rregullores së garave.
Të dy skuadrat synojnë të fitojnë Kupën e parë në historinë e tyre.