Kombëtarja e Kosovës përballet sot me Turqinë në finalen e play-off-it për kualifikim në Kupën e Botës 2026. Ndeshja zhvillohet në stadiumin Fadil Vokrri në Prishtinë, me fillim në orën 20:45.
Sulmuesi Fisnik Asllani, lojtar i Hoffenheimit, ka postuar në rrjetet sociale fjalët "Gati" pak orë para kësaj ndeshjeje. Postimi shoqërohet me një fotografi të krijuar me inteligjencë artificiale, ku paraqiten Asllani si fëmijë pranë legjendës së futbollit kosovar Fadil Vokrri.
Asllani ka qenë një nga lojtarët kryesorë të Kosovës në këtë fushatë kualifikuese, me tre gola të shënuar dhe paraqitje vendimtare drejt finales.
Ky postim ka tërhequr vëmendjen e tifozëve në prag të sfidës vendimtare.