Në Gjykatën Themelore në Prishtinë ka nisur seanca gjyqësore për rastin e sulmit në Banjskë të Zveçanit. Të akuzuarit Blagoje Spasojeviq, Vladimir Toliq dhe Dushan Maksimoviq u sollën nën masa të larta sigurie. Ata përballen me akuza për sulmin terrorist të 24 shtatorit 2023, ku mbeti i vrarë rreshteri Afrim Bunjaku.
Në seancën e zhvilluar më 20 prill 2026, filluan fjalët përfundimtare të avokatëve mbrojtës. Avokati i Blagoje Spasojeviqit, Ljubomir Pantoviq, parashtroi argumentet e tij para trupit gjykues. Ai theksoi: «Si është e mundur që t’i bëhet thirrje gjykatës për respektimin e të gjitha të drejtave ligjore të pandehurve, ndërkohë që në të njëjtën kohë të flitet për aktgjykimin dhe për dënimin më të rëndë të mundshëm». Pantoviq tenton të shfajësojë të tre të akuzuarit.
Në seancën e mëparshme, prokurori i Prokurorisë Speciale, Naim Abazi, kishte kërkuar burgim të përjetshëm për të akuzuarit. Ai paraqiti një dokument me 21 faqe dhe pamje nga momenti i sulmit. Sipas Abazit, është vërtetuar se të akuzuarit kishin dijeni dhe rol në sulm, me qëllim aneksimin e veriut të Kosovës.
Përditësime
Gjykata ka caktuar shpalljen e aktgjykimit në rastin Banjskë për 24 prill në orën 15:00.
Zhvillime të tjera:
- Dushan Maksimoviq deklaroi se dëshiron të jetë i pranishëm në seancë, ndërsa Spasojeviq dhe Toliq thanë se nuk do.
- Maksimoviq dha citate të reja për fotografitë dhe telefonat, sipas SMA 127F, faqet 132-133 të aktakuzës.
- Avokatja Jovana Filipoviç kërkoi shfajësimin e Maksimoviq-it, duke theksuar alibi me shokë të propozuar si dëshmitarë që nga qershori 2025.
- U përmend arrestimi i Stefan Raduloviq-it si i dyshuar për sulmin.