Fred Fleitz, ish-zv.asistent i Presidentit Donald Trump dhe shef i kabinetit të Këshillit të Sigurisë Kombëtare të SHBA-së, pranoi se ekziston potencial për konflikt mes Kosovës dhe Serbisë.
Deklarata u bë në emisionin “Off the Record” nga gazetarja Andrea Danglli në A2 CNN. Fleitz tha: “Mendoj se ka potencial për konflikt, por me udhëheqjen e Grenellit është mbajtur një sy i vazhdueshëm mbi situatën”. Ai shtoi: “Besoj se është në interesin e presidentit Trump që, së bashku me ambasadorin Grenell, të mbajnë një sy mbi situatën në këtë rajon. E di që ai është një mik shumë i mirë i shqiptarëve, por për këtë çështje mund të flisni drejtpërdrejt me ambasadorin Grenell”.
Fleitz sugjeroi që për çështjen të flitej drejtpërdrejt me Grenell-in. Gjatë vitit të kaluar, Trump ka deklaruar disa herë se ka arritur të parandalojë një konflikt Kosovë-Serbi, duke e futur atë në listën e luftërave që mundi të ndalte, krahas me ato mes Armenisë dhe Azerbajxhanit, Pakistanit dhe Indisë, si dhe të tjera.
Ballkani mbetet një rajon i brishtë përballë ndryshimeve të mëdha gjeopolitike.