Sipas databazës së Fondit Monetar Ndërkombëtar (FMN), të përditësuar për vitin 2025, Shqipëria renditet e 83-ta në botë për të ardhurat për frymë në dollarë dhe e 85-ta sipas fuqisë blerëse, me 23.3 mijë dollarë ndërkombëtarë.
Ky tregues i fundit, i njohur si prodhimi i brendshëm bruto për frymë sipas paritetit të fuqisë blerëse (PBB PPP), mat prodhimin ekonomik për banor duke marrë parasysh kostot e jetesës. Për të dy treguesit, Shqipëria renditet ndër të fundit në Europë.
Të ardhurat për frymë nominale në Shqipëri arrijnë 11 mijë dollarë, duke kaluar Maqedoninë e Veriut me 10,377 dollarë dhe Bosnjë-Hercegovinën me 9,467 dollarë. Kosova mbetet me 8,033 dollarë për frymë.
Krahasimi rajonal
• Serbia: 15.3 mijë dollarë për frymë, kryeson rajonin.
• Mali i Zi: 14.9 mijë dollarë.
• Në PPP: Maqedonia e Veriut e 77-ta në botë, Bosnjë-Hercegovina e 89-ta, Kosova e 98-ta.
Shqipëria përbën 28% të mesatares së Europës dhe 23.7% të mesatares së Bashkimit Europian, që është 46,804 dollarë. Mesatarja globale është 14.6 mijë dollarë, ndërsa Shqipëria arrin 76% të saj. Vitët e fundit, nënçmimi i euros dhe dollarit ka rritur automatikisht të ardhurat nominale për frymë.
Të dhënat tregojnë se, pavarësisht të ardhurave më të larta nominale, fuqia blerëse në Shqipëri është më e ulët se në Maqedoninë e Veriut për shkak të kostos më të lartë të jetesës.