Franca ka mbyllur fazën e grupeve të Kampionatit Botëror 2026 me një fitore bindëse ndaj Norvegjisë me rezultatin 4-1. Ndeshja, e cila u zhvillua në Boston, vuri përballë dy skuadra që kishin siguruar tashmë kalimin në fazën tjetër, ku francezët e mbyllën grupin me 9 pikë, ndërsa norvegjezët me 6 pikë.
Ousmane Dembele ishte lojtari kyç i takimit, duke shënuar tre gola në minutat 7', 20' dhe 32'. Asistimet për dy golat e parë të sulmuesit francez erdhën nga Kylian Mbappé. Norvegjia, e cila në këtë përballje aktivizoi një formacion me rezerva, ngushtoi përkohësisht rezultatin në 2-1 në minutën e 21-të me anë të Thelo Aasgaard, pas një pasimi nga Andreas Schjelderup.
Në pjesën e dytë, shpresa e norvegjezëve për të rikthyer baraspeshën u shua në minutën e 50-të, kur portieri francez Mike Maignan priti penalltinë e ekzekutuar nga Jorgen Larsen. Në minutën e 94-të, Desire Doue vulosi fitoren finale 4-1 për skuadrën e drejtuar nga Didier Deschamps.
Në takimin tjetër të grupit, Senegali arriti një fitore të thellë 5-0 ndaj Irakut, rezultat ky që u jep shanse afrikanëve për t'u kualifikuar si një prej ekipeve më të mira të vendeve të treta, falë golavarazhit të përmirësuar.
Përditësime
Franca siguroi vendin e parë pas fitores bindëse 4-1 ndaj Norvegjisë. Në mungesë të Erling Haaland, i cili u la pushim, norvegjezët u mbështetën te portieri Egil Selvik, i cili u përball me presionin e vazhdueshëm të francezëve. Kylian Mbappe kërcënoi portën kundërshtare që në minutën e parë duke goditur traversën, ndërsa Ousmane Dembele shënoi golin e tretë pas asistimit të Aurelien Tchouameni-t. Rezultatin përfundimtar e vulosi Desire Doue me një gol me kokë.