Në kuadër të raundit të tretë të Grupit I në Kupën e Botës 2026, kombëtaret e Francës dhe Norvegjisë përballen sonte në orën 21:00. Të dyja skuadrat e kanë siguruar kualifikimin për në fazën e 1/16-s, pasi kanë grumbulluar nga 6 pikë secila pas dy ndeshjeve të para.
Norvegjia ka vendosur të bëjë ndryshime të shumta në formacion, duke lënë në bankën rezervë lojtarë kyç si Erling Haaland dhe kapitenin Martin Ødegaard. Përzgjedhësi norvegjez ka zgjedhur të pushojë disa nga futbollistët kryesorë, ndërkohë që skuadra synon vendin e parë në grup.
Nga krahu tjetër, Franca është paraqitur me një formacion të fortë, duke synuar të mbyllë fazën e grupeve me bilanc të plotë pas fitoreve ndaj Senegalit dhe Irakut. Në formacionin e titullarëve për “Gjelat” spikasin emra si Kylian Mbappé, Ousmane Dembélé, Michael Olise dhe portieri Mike Maignan.
Formacionet zyrtare:
• Norvegji: Selvik, Aursnes, Falchener, Ostigard, Bjorkan, Thorstvedt, Berg, Aasgaard, Bobb, Larsen, Schjelderup.
• Francë: Maignan, Hernandez, Lacroix, Upamecano, Kounde, Kone, Tchouameni, Doue, Olise, Dembele, Mbappe.