Faza e grupeve në Kupën e Botës 2026 mbyllet sot me përballjet e Grupit I, të cilat do të përcaktojnë renditjen përfundimtare. Franca dhe Norvegjia, të cilat kanë siguruar tashmë kualifikimin për në fazën e 1/16-ave, do të ndeshen mes tyre në orën 21:00.
Franca mban për momentin vendin e parë falë golavarazhit më të mirë dhe i mjafton një barazim për ta ruajtur këtë pozicion, ndërsa Norvegjia synon fitoren për të kryesuar grupin. Kjo ndeshje pritet të sjellë përballjen mes dy yjeve të futbollit, Erling Haaland dhe Kylian Mbappe.
Në kampin francez, skuadra do të jetë pa trajnerin Didier Deschamps, i cili është larguar për arsye familjare. Trajneri i Norvegjisë, Ståle Solbakken, ka lënë të kuptohet se mund të bëjë ndryshime në formacion për të ruajtur energjitë e ekipit për fazën me eliminim direkt.
Ndërkohë, në ndeshjen tjetër të grupit, Senegali dhe Iraku zbresin në fushë me objektivin për ta mbyllur turneun me një rezultat pozitiv. Senegali kërkon të reagojë pas humbjeve në dy sfidat e para, ndërsa trajneri Pape Bouna Thiaw e ka cilësuar këtë përballje si një finale për skuadrën e tij.