Kupa e Botës 2026 vazhdon sot me katër përballje të fazës së grupeve, të cilat shënojnë debutimin e disa prej skuadrave më të rëndësishme në turneun që po zhvillohet në Shtetet e Bashkuara, Kanada dhe Meksikë.
Grupi I
Në stadiumin 'MetLife' në New York, Franca përballet me Senegalin në orën 21:00. Trajneri Didier Deschamps kërkon një nisje pozitive me një skuadër që përfshin yje si Kylian Mbappe, Ousmane Dembélé dhe Michael Olise. Nga ana tjetër, përfaqësuesja e Senegalit, e drejtuar nga Pape Thiaw, synon të tregojë forcën e futbollit afrikan. Në ndeshjen tjetër të grupit, Norvegjia sfidon Irakun në orën 00:00 në Boston. Norvegjezët rikthehen në këtë kompeticion pas 28 vitesh dhe pritet të udhëhiqen nga sulmuesi Erling Haaland.
Grupi J
Kampionia në fuqi, Argjentina, nis mbrojtjen e titullit në orën 03:00 kundër Algjerisë në Kansas City. Kjo ndeshje është jubilarja e 200-të për Lionel Messin me fanellën e kombëtares. Në ndeshjen tjetër të grupit, Austria përballet me Jordaninë në orën 06:00, e cila regjistron debutimin e saj historik në një Kupë Bote.
Programi i ndeshjeve:
• Franca – Senegali: 21:00
• Iraku – Norvegjia: 00:00
• Argjentina – Algjeria: 03:00
• Austria – Jordania: 06:00