Komiteti Ekzekutiv i Federatës Shqiptare të Futbollit (FSHF), në mbledhjen e zhvilluar më 14 maj 2026, miratoi unanimisht propozimin e presidentit Armand Duka për të mbështetur kandidaturën e Aleksander Čeferin për një mandat tjetër si president i UEFA-së.
Ky vendim shpreh vlerësimin për lidershipin, vizionin dhe kontributin e Čeferin në zhvillimin e futbollit europian gjatë viteve të fundit. FSHF beson se vazhdimësia e drejtimit të tij do të garantojë stabilitet, progres dhe mbështetje të mëtejshme për federatat anëtare.
Armand Duka, president i FSHF-së prej dy mandatesh dhe zëvendëspresident i UEFA-së, propozoi mbështetjen për Čeferin, i cili drejton UEFA-n që nga viti 2016 dhe synon mandatin e katërt.
Zgjedhjet për presidentin dhe anëtarët e Komitetit Ekzekutiv të UEFA-së mbahen në Kongresin e 51-të më 22 prill 2027 në Astana, Kazakistan.