Deputetja e Partisë Demokratike të Kosovës (PDK), Ganimete Musliu, ka konfirmuar gatishmërinë e partisë së saj për t'u përballur me çdo proces zgjedhor, pavarësisht afateve kohore. Në një deklaratë të dhënë gjatë emisionit Rubikon në Klan Kosova, ajo iu drejtua kryeministrit në detyrë, Albin Kurti, duke vlerësuar si të pasuksesshme çdo përpjekje për të krijuar pasiguri në radhët e PDK-së përmes manovrave politike apo shtyrjes së zgjedhjeve për në dhjetor.
Musliu vuri në dukje se Partia Demokratike është e interesuar për krijimin sa më të shpejtë të institucioneve, bazuar në rezultatet e zgjedhjeve të 7 qershorit. Ajo theksoi se partia e saj mbetet e konsoliduar, me struktura aktive dhe një elektorat besnik, duke hedhur poshtë pretendimet se subjekti është humbës. Sipas saj, PDK-ja është në një trend zgjedhor stabil dhe nuk e ka problem përballjen me zgjedhësit në asnjë kohë, duke përfshirë edhe periudhën e festave të fundvitit.
"Ndash shkojmë në zgjedhje sot, ndash shkojmë nesër, ndash shkojmë në natën e Vitit të Ri kur të doni. Ne nuk e kemi problem. Partia Demokratike e Kosovës është në trendin e zgjedhjeve në Kosovë, është stabile. Nuk është PDK-ja humbëse, si të doni kalkuloni", u shpreh ajo gjatë intervistës.